Zonja e Parë e Shteteve të Bashkuara të Amerikës, Jill Biden, ka lavdëruar qeverinë rumune dhe organizatat e ndihmës pas takimit me gra dhe fëmijë ukrainas që kanë ikur përtej kufirit për t’i shpëtuar luftës.
Zonja e parë e Amerikës dëgjoi histori rrëqethëse teksa vizitoi një shkollë që priste nxënësit refugjatë këtë shtunë, shkruan Skynews.
Vizita e saj në Evropën Lindore vjen ndërsa presidenti Joe Biden po i bën presion Kongresit të kalojë një shtesë prej 33 miliardë dollarësh në ndihmë ekonomike dhe sigurie.
Gjatë vizitës së saj, Biden pa nga dora e parë përpjekjet e ndihmës për të ndihmuar disa nga 900 mijë ukrainasit që kanë ikur në Rumani që kur Rusia filloi pushtimin e saj në Ukrainë më 24 shkurt.
“Ne jemi me ju,” u tha Zonja e Parë nënave të disa prej nxënësve pasi vizitoi klasat ku fëmijët e moshës 5 deri në 15 vjeç ndjekin shkollën.
Rreth 7 mijë ukrainas kalojnë kufirin dhe mbërrijnë në Rumani çdo ditë, tha Pablo Zapata, përfaqësuesi rumun për agjencinë e OKB-së për refugjatët.
“Ne të gjithë shpresojmë, apo jo,” u tha Biden gazetarëve. “Ne zgjohemi çdo mëngjes dhe mendojmë se “kjo duhet të marrë fund”, por ende vazhdon dhe vazhdon.”
Zonja Biden është në ditën e dytë të një udhëtimi katër-ditor në Rumani dhe Sllovaki që është projektuar për të treguar mbështetjen e SHBA për refugjatët ukrainas.
