Futbollisti portugez Joao Cancelo është lojtari i ri i Bayernit në huazim nga Manchester City deri në fund të sezonit, por me mundësi blerjeje.
“Bayerni është një klub i madh, një nga më të mirët në botë, që është një motiv i madh për mua që të luaj me lojtarë të jashtëzakonshëm në ekip. E di që ky klub dhe ekipi jetojnë për tituj dhe i fitojnë ato çdo vit. Unë jam i motivuar edhe nga uria për sukses. Do të jap maksimumin për Bayernin”, ka thënë sot Cancelo.
Portugezi mbërriti në Manchester City në vitin 2019 nga Juventusi, ndërsa më parë ka luajtur për Interin, Valencian dhe Benfikën, transmeton Fol Drejt.
