Finlanda duhet të konsiderojë anëtarësimin në aleancën ushtarake perëndimore pa Suedinë, ka thënë ministri i Jashtëm i vendit, raporton Sky News, transmeton Fol Drejt.
Të dy vendet kishin nisur një ofertë të përbashkët për t’u anëtarësuar në NATO, por Suedia po përballet me mundësinë e bllokimit të anëtarësimit.
Pekka Haavisto tha se një aplikim i përbashkët është “opsioni i parë” por duhet të merren parasysh të dyja mundësitë.
Të gjithë anëtarët e NATO-s duhet të miratojnë anëtarësimin e vendeve të tjera dhe Turqia ka treguar se nuk do të miratojë ofertën e Suedisë pas tensioneve.
Gjatë fundjavës, një kopje e Kuranit u dogj gjatë një proteste jashtë ambasadës turke në Suedi – duke zemëruar zyrtarët në Turqi.
Presidenti turk Rexhep Tajip Erdogan tha se protesta ishte një fyerje për të gjithë, veçanërisht për myslimanët, dhe ishte zemëruar me autoritetet suedeze që lejuan të zhvillohej demonstrata.
“Është e qartë se ata që lejuan një poshtërsi të tillë të ndodhte para ambasadës sonë nuk mund të presin më asnjë bamirësi nga ne në lidhje me aplikimin e tyre për anëtarësim në NATO”, tha Erdogan.
Prej disa kohësh, tensionet mes Turqisë dhe Suedisë po fryjnë.
Ankaraja ka akuzuar Suedinë për strehimin e atyre që ajo i quan “terroristë” nga Partia e Punëtorëve Kurdë, ose PKK – një lëvizje separatiste marksiste kurde që ka luftuar forcat turke që nga vitet 1980.
Suedia e mohon këtë dhe thotë se po mbështet kurdët që nuk janë në PKK. /FolDrejt/
