Gazetari hulumtues, Mitchell Prothero i cili ishte i angazhuar në një investigim të krimeve me kriptovaluta që po kryheshin në veri të Mitrovicës, ndër të tjera, përmend edhe një zyrtar të NATO-s, që tregon për indiferencën e faktorit ndërkombëtar për zgjidhjen e problemit që është peng tash e më shumë se dy dekada, shkruan Fol Drejt.
Prothero, që gjatë qëndrimit të tij kishte intervistuar edhe zyrtarë të NATO-s, ka cituar njërin prej tyre të ketë thënë:
“Vuçiq është një zjarrvënës që i pëlqen të paguhet nga BE-ja për të shuar zjarret që ai ndez”.
Tutje ai ka përmendur edhe dy patericat e Vuçiqit në veri, Zvonko Veselinoviçin dhe Milan Radoiçiqin, të cilët presidenti serb i përdorë sa herë që i duhen për të shkaktuar tensione në veri.
“Veselinoviç dhe Radoiçiq e kryejnë punën (për Vuçiqin), ata janë sikur një ndërprerës dritash që Vuçiq mund ta vë në lëvizje sa herë që sheh mundësinë për të marrë diçka dhe ata e bëjnë atë për të”, shkroi ai, duke iu referuar zyrtarit të njëjtë.
Funksionari në fjalë citohet të ketë thënë se ndërkombëtarët posedojnë informacione, përgjime dhe dëshmitarë për situatën reale në veri, por që nuk ndërmarrin masa për të ndryshuar gjendjen atje.
Madje, edhe se serbët nuk përpiqen ta fshehin këtë fakt, ngase e dinë se nuk do të ketë ndonjë presion të vërtetë nga Bashkimi Evropian apo amerikanët.”/SJ/FolDrejt/
