Çdo përpjekje për të përjashtuar Rusinë nga sporti global për shkak të pushtimit të saj në Ukrainë do të dështojë, tha zëdhënësja e ministrisë së jashtme të vendit, shkruan Sky News, transmeton Fol Drejt.
Maria Zakharova tha se çdo plan për të larguar Moskën nga sporti ndërkombëtar për shkak të asaj që ajo e quan operacionin e saj special ushtarak në Ukrainë janë “të destinuara të dështojnë”.
Që kur Rusia dërgoi dhjetëra mijëra trupa në Ukrainë në shkurt të vitit të kaluar, disa organe sportive kanë pezulluar ekipet ose atletët rusë për të protestuar kundër luftës.
Më herët, Ukraina tha se nuk e ka përjashtuar mundësinë e bojkotimit të Lojërave Olimpike nëse atletët rusë dhe bjellorusë lejohen të garojnë në Lojërat Olimpike 2024./FolDrejt/
