757,000 persona protestuan kundër reformës së pensioneve në Francë

Ky është raundi i tretë i demonstratave kundër reformës së pensioneve në Francë, përcjell Fol Drejt.

Raundi i tretë i demonstratave kundër reformës së pensioneve erdhi një ditë pasi anëtarët e parlamentit francez filluan debatin për një ligj që do të rriste moshën e daljes në pension nga 62 në 64 vjeç. Ky projektligj është një akt kyç, miratimin e të cilit Presidenti francez Emmanuel Macron dëshiron ta arrijë gjatë mandatit të tij të dytë.

Autoritetet vlerësuan se 1.27 milionë njerëz demonstruan javën e kaluar, që është më shumë se protestat e para kundër reformës së pensioneve, të mbajtura më 19 janar në të gjithë vendin.