Kreu i LDK-së, Lumir Abdixhiku, po qëndron për vizitë zyrtare në SHBA.
Gjatë kësaj vizite, Abdixhiku është takuar edhe me kongresmenin nga radhët e demokratëve, Dutç Ruppersberger, të cilin e ka uruar për rizgjedhjen në mandatin e ri.
Gjatë këtij takimi, Abdixhiku ka bërë me dije në një postim në facebook, se ka diskutuar mbi mundësinë e shndërrimit të bazës amerikane Bondsteel në një bazë ushtarakë të përhershme.
“Shndërrimi i bazës amerikane të Bondsteel-it në bazë ushtarake të përhershme ishte temë e përbashkët e diskutimit tonë. Kongresmeni Ruppersberg ka përkushtim të madh për rrugëtimin e Kosovës drejt familjes euroatlantike. Kontributi i tij në këtë drejtim do të jetë jetik për të ardhmen e sigurisë së popullit tonë. Kongresmenin Dutch Rulpersberger e ftova dhe për vizitë në Kosovë”, ka shkruar Abdixhiku në facebook./FolDrejt/
