Rafaela Pimenta, agjentja e Erling Haalandit dhe trashëgimtarja e ish-superagjentit Mino Raiola, ka konfirmuar se sulmuesi ka ‘çelësin’ e largimit nga Manchester City nëse dëshiron të largohet.
“Unë jam në favor të lirisë. Është beteja ime. Unë gjithmonë them se një nga prioritetet e mia si agjente është t’i ofroj lojtarit atë që unë e quaj ‘çelësin e derës’. Kur lojtari shkon në një klub, unë bëj gjithçka për të krijuar kushtet që çelësi i derës të jetë në duart e tij”, tha ajo në një intervistë për AS.
Pasi u bë presion nëse Haaland e ka atë në kontratën e tij me Manchester Cityn, ajo u përgjigj: “Unë do të përgjigjem në përgjithësi. Unë i kam bërë të gjitha kontratat për këtë agjenci në 25 vitet e fundit. Të gjithë. Nuk ka pasur asnjë herë që një lojtar ka thënë “Unë dua të shkoj” dhe ai nuk ka mundur ta bëjë këtë.”, transmeton Fol Drejt.
