Ministri gjerman i Mbrojtjes Boris Pistorius tha sot në Bruksel se vendet anëtare të NATO-s duhet të ndajnë një minimum prej dy për qind të prodhimit të tyre të brendshëm bruto (PBB) për mbrojtjen.
“Vetëm dy për qind nuk do të mjaftojnë. Ajo duhet të jetë baza për gjërat që do të pasojnë. Qeveria gjermane po diskuton këtë temë tani dhe së shpejti do të arrijë një marrëveshje,” u tha Pistorius gazetarëve, raporton Reuters.
Ministrat e mbrojtjes të NATO-s po përgatiten për ditën e dytë të takimit të tyre në Bruksel dhe Ukraina u ka bërë thirrje aleatëve të saj që të përshpejtojnë dërgesat e armëve, transmeton Fol Drejt.
