Aleksandër Vuçiq është pyetur gjatë një konference për media rreth zhvillimeve të fundit në Kosovë. Duket që disa prej pyetjeve i kanë lënë shije të hidhur, pasi që nuk ka reaguar mirë, shkruan Fol Drejt.
Nga një gazetare e N1info është pyetur se ku i kanë marr uniformat sulmuesit të cilët u eliminuan në veri nga Policia e Kosovës.
Më saktë, ai është pyetur nëse ka ndonjë informacion rreth sulmuesve të vrarë dhe uniformave të tyre, se prej nga i kishin marr.
Vuçiq është shprehur i nxehur se pyetja e gazetares sikur nënkuptonte se Serbia ua kishte siguruar armët dhe uniformat dhe se për rrjedhojë, ajo e ka fajin për këtë.
“Këto nuk janë uniforma të ushtrisë dhe policisë serbe. Ato blihen kudo në treg dhe mund të merren kudo, ashtu si armët”, ka theksuar Vuçiq.
Në anën tjetër, sipas të dhënave të Policisë së Kosovës, “deri më tani sipas informacioneve nga terreni tre sulmues janë vrarë, janë arrestuar dy sulmues dhe katër persona të dyshuar të cilët ishin hasur nën posedim ilegal të radiolidhjeve, e të cilët dyshohet se ndërlidhen me grup terroristë.”
Policia po ashtu ka konfiskuar arsenal armësh përreth manastirit të Banjskës. Bëhet fjalë për lloje dhe kalibra të ndryshëm armësh, uniforma, pajisje logjistike, granata, mitralozë, zolla, kallashnikovë etj./FolDrejt/
