Mos-zgjedhja e anëtarëve të bordit të Organit Shqyrtues të Prokurimit (OShP), nga ana e Kuvendit të Republikës së Kosovës, po shihet si dështim i madh, transmeton Fol Drejt.
Të paktën kështu ka thënë analisti politik Albert Krasniqi.
Në një postim në llogarinë e tij në rrjetin social Facebook, ai ka shkruar se:
“Prej dështimeve më të mëdha të Kuvendit këtë vit është mos zgjedhja e anëtarëve të bordit të Organit Shqyrtues të Prokurimit (e njohur si Gjykata e Tenderëve). OSHP është jofunksionale prej muajit mars, pasi anëtarëve u ka skaduar mandati. Prej asaj periudhe, asnjë tender publik për të cilin ka pasur ankesa nuk ka mundur të ekzekutohet. Rreth 350 milionë euro janë bllokuar të hyjnë në ekonominë e vendit. Në anën tjetër, është rritur numri i kontratave të negociuara, pasi mundësitë e ankesës janë shumë më të vogla.”
Sipas Krasniqit, për shkak të mos-zgjedhjes së anëtarëve të OShP-së, vendi ka pësuar shumë. Ai i ka përmendur një varg pasojash.
Për më shumë, shihni statusin e plotë:
Prej dështimeve më të mëdha të Kuvendit këtë vit është mos zgjedhja e anëtarëve të bordit të Organit Shqyrtues të Prokurimit (e njohur si Gjykata e Tenderëve). OSHP është jofunksionale prej muajit mars, pasi anëtarëve u ka skaduar mandati. Prej asaj periudhe, asnjë tender publik për të cilin ka pasur ankesa nuk ka mundur të ekzekutohet. Rreth 350 milionë euro janë bllokuar të hyjnë në ekonominë e vendit. Në anën tjetër, është rritur numri i kontratave të negociuara, pasi mundësitë e ankesës janë shumë më të vogla.
Nga ky dështim i Kuvendit:
– Është dëmtuar zhvillimi i ekonomisë dhe është rritur mundësia për korrupsion;
– Janë dëmtuar bizneset që presin me muaj për të marr kontratat nga institucionet publike;
– Janë dëmtuar qytetarët të cilët nuk po marrin shërbimet e nevojshme (nuk ka as furnizim të rregullt me insulina);
– Po favorizohen bizneset e caktuara;
– Po dëmtohet buxheti i shtetit, pasi si pasojë e mungesës së konkurrencës reale paguhet më shtrenjtë.
