Ndërsa në opinionin publik po vijon të komentohet iniciativa e një grupi i cili e ka themeluar një lëvizje për “braktisjen e fesë Islame”, në disa media po qarkullojnë informacione se njëri prej iniciatorëve, figuron si bashkëthemelues me disa serbë, i një OJQ-je, shkruan Fol Drejt.
Bëhet fjalë për “OJQ Ardhmëria – Buducnost”, e themeluar nga Pajazit Jashari, Nebojsa Vujovic, Fatime Jashari, Arlinda Nika, Milos Vujovic.
Nga të dhënat që kemi arritur t’i sigurojmë nga Sistemi Elektronik i Organizatave Joqeveritare, thotë se kjo OJQ ka për qëllim ka zhvillimin e “politikave për fuqizimin e të drejtave të njeriut, në veçanti me realizimin e të drejtave kushtetuese të minoriteteve në Kosovë. Promovimit të politikave zhvillimit të qëndrueshëm social. Përkrahjes se politikave zhvillimit të qëndrueshëm social. Përkrahjes së politikave zhvillimore në fushën e edukimit dhe arsimimit për vlera të përbashkëta të qytetarisë në Kosovë.”
Fusha e veprimtarisë, po sipas këtij burimi, përshkruhet si i një shoqërie për shoqërinë “ndihma humanitare, tjera, edukim dhe trajnim.”
Fol Drejt ka provuar ta kontaktoj Pajazit Jasharin, themelues dhe përfaqësues të kësaj OJQ-je, por nuk ka siguruar ndonjë përgjigje.
Megjithatë, Jashari, në një postim të fundit në llogarinë e tij në rrjetin social Facebook, ai ka thënë se “për asnjë çast nuk i fyejmë apo përdhosim bindjet e tjetrit”, por më tej diferencon ata që i cilëson si islamistë radikalë:
“Si shumë të tjerë, edhe ne na bashkoj një bindje; se në shpinën e kombit tonë, po luhet një valle e errët nga islamistët radikal, të cilët jo vetëm që nuk e qajnë kokën për kombin, por edhe po ja zënë frymën.
Pse, kush nuk u ngritë kundër islamit sa ishte tradicional? Sepse, nuk i përdhoste vlerat kombëtare, por përkundrazi aty ishim të bashkuar e të lidhur. Sot jo!”
Në një tjetër postim Jashari i ka mohuar pretendimet se ka themeluar OJQ bashkë me serbë:
Vlen të thuhet se sot gjatë ditës u raportua se rasti i kësaj iniciative, është duke u hetuar edhe nga prokuroria./FolDrejt/
