Një 37-vjeçare kosovare u gjet e vdekur në banesën e saj në Vevey VD të Zvicrës, të premten, ku dyshohet se u vra nga bashkëshorti i saj.
Të premten, sipas mediumit Blick, shtetasi kosovar, 42 vjeç, është paraqitur në një stacion policor në kantonin e Bernës, i cili pretendoi se kishte plagosur partneren e tij në apartamentin ku ajo jetonte në Vevey. Më pas policia shkoi në shtëpinë e gruas, ku e gjeti viktimën, e cila ishte goditur disa herë me thikë dhe ka ndërruar jetë.
I dyshuari u arrestua menjëherë nga policia e Bernës dhe iu dorëzua autoriteteve të Vaud për procedime të mëtejshme.
Viktima ishte nënë e katër fëmijëve.
Policia është duke vazhduar hetimet për zbardhjen e ngjarjes dhe motivet e mundshme në mënyrë që çuan në kryerjen e krimit, shkruan Klankosova.tv, përcjell Fol Drejt.
