Kemi arritur në tetë skuadrat e fundit në Botërorin e Katarit dhe skuadra braziliane është ende favoriti i parë për të fituar titullin, sipas analizave të kompanisë Gracenote, transmeton Fol Drejt.
Brazili tani ka një shans 25 për qind për të fituar titullin, i ndjekur nga Argjentina me 20 për qind: të dy skuadrat janë kundërshtarë të mundshëm në gjysmëfinale, nëse Brazili kalon Kroacinë dhe Argjentina kalon Holandën.
Më pas është kombëtarja e Portugalisë me 13 për qind shanse për trofe, që do të thotë edhe se janë kandidatët e parë për në finale nga pjesa tjetër e shortit.
Pasojnë Holanda dhe Franca me 11 për qind shanse secila, si dhe Anglia me 10 për qind.
Kroacisë i jepet shanset më të pakta për të arritur në finale, ndërsa Maroku ka më shumë gjasa se kroatët.
Krahasuar me parashikimin para turneut, Kroacia zëvendësoi Spanjën në pjesën e majtë të shortit, ndërsa Maroku zëvendësoi Belgjikën në tetë më të mirët – gjashtë pjesëmarrësit e mbetur ishin parashikuar saktë./FolDrejt/