Një draft statut i përpiluar nga Friedrich Ebert Stiftung (FES), për Asociacionin e Komunave me Shumicë Serbe, është bërë tashmë i qasshëm për opinionin e gjerë. Themelimi i tij, sipas draft-statusit, do të bëhet në pajtim me Kushtetutën e Kosovës, shkruan Fol Drejt.
Ndonëse harmonisë me Kushtetutën e Republikës së Kosovës dhe Asociacionit, i është kushtuar vëmendje më e madhe, frika se pajtimi për formimin e tij do t’i sillte pasoja vendit, është shumë i madh.
Në 7 kapituj dhe 18 nene flitet për statutin e tij, raportet me kushtetutën, kompetencat dhe mënyrën e organizimit.
“Statuti do të miratohet nga kuvendi themelues i Asociacionit/Bashkësisë i formuar nga anëtarët me votim të kuvendeve komunale të komunave pjesëmarrëse në përputhje me Ligjin për Ratifikimin e Marrëveshjes së Parë dhe Kushtetutën e Republikës së Kosovës. Statuti do të miratohet me akt juridik të Qeverisë së Kosovës dhe do të marrë fuqinë e një rregulloreje të Qeverisë sipas sistemit juridik të Kosovës pas shqyrtimit nga Gjykata Kushtetuese” – thuhet ndër të tjera në dokument.
Ky draft-statut thekson se Asociacioni do të jetë si person juridik i themeluar në përputhje me Kushtetutën dhe sistemin juridik të Kosovës. Tutje theksohet se Asociacioni/Bashkësia do të ketë simbolet e veta zyrtare, duke përfshirë stemën dhe flamurin, të cilat do të dizajnohen nga Bordi i Asociacionit/Bashkësisë në përputhje me Kushtetutën e Republikës së Kosovës dhe Ligjin për Qeverisje Lokale.
Në kapitullin e IV-tërt, flitet për “marrëdhëniet me autoritetet qendrore” ku ndër të tjera thuhet se “Asociacioni/Bashkësia do të angazhohet me Autoritetet qendrore të Kosovës në bazë të përbashkët bashkëpunimin dhe shkëmbimin e informacionit, në frymën e promovimi i demokracisë dhe multietnicitetit, dhe në linjë me sistemin juridik të Kosovës.”
Po ashtu në marrëdhëniet me autoritetet qendrore, Asociacioni/Komuniteti mund të ofrojë gjithashtu këshilla dhe ekspertizë teknike në hartimin e legjislacionit sipas normat juridike të vendosura të Kosovës. Shoqata/ Komuniteti mund të marrë pjesë në seancat dëgjimore publike në lidhje me legjislacionin e ri ose ndryshimet ekzistuese legjislacioni. Asociacioni/Bashkësia mund të ftohet nga Qeveria ose Kuvendi i Kosovës për të japin këshilla në hartimin e legjislacionit që ka të bëjë për qeverisjen vendore, të drejtat e komunitetit, apo ndonjë fushë mbulohen nga Objektivat e Asociacionit/Bashkësisë.
Dokumentin e plotë mund ta gjeni online Këtu!
