Sipas New York Post të paktën 12 persona humbën jetën dhe 40 të tjerë u plagosën në një zjarr në një bar karaoke në Vietnamin jugor, njoftuan mediat shtetërore të mërkurën, transmeton Fol Drejt.
Zjarri shpërtheu të martën në mbrëmje në një lokal në provincën Binh Duong, një qendër prodhimi industrial pranë qytetit Ho Chi Minh, sipas Agjencisë zyrtare të Lajmeve të Vietnamit.
Nga të plagosurit, 11 ishin në gjendje të rëndë, thuhet në raport.
“Kur shpërtheu zjarri, unë isha në panik dhe vrapova për siguri dhe nuk mbaj mend se si ndodhi”, citohet të ketë thënë në raport një dëshmitare, e cila e identifikoi veten vetëm si Quynh.
Kryeministri Pham Minh Chinh urdhëroi të mërkurën Ministrinë e Sigurisë Publike dhe autoritetet provinciale të hetojnë shkakun e zjarrit.
Chinh urdhëroi gjithashtu qytetet dhe provincat në të gjithë vendin e Azisë Juglindore që të respektojnë standardet e sigurisë në objektet e ndjeshme ndaj zjarrit, duke përfshirë në bare karaoke.
Karaoke është e popullarizuar në Vietnam, por standardet e dobëta të sigurisë në vende kanë ngritur shqetësime. Tre zjarrfikës u vranë në një zjarr në një bar tjetër karaoke në Hanoi muajin e kaluar./FolDrejt/
