Mediumi El Relevo shkruan se e ardhmja e Karim Benzemas në Real Madrid nuk është aq e qartë sa thotë kontrata e tij.
Domethënë, qendërsulmuesi francez e zgjati automatikisht kontratën e tij deri në verën e vitit 2024 në prag të Kupës së Botës, që për shumë do të thoshte se ai mund ta mbyllte karrierën te Reali.
Sauditët po i ofrojnë 200 milionë euro për dy sezone
Spanjollët shkruajnë se Benzema është intriguar nga një ofertë nga Arabia Saudite. Atje janë gati ta financojnë transferimin e tij dhe ai do të fitonte 200 milionë euro në dy vjet. Përveç kësaj, Benzema do të luante një rol të rëndësishëm në ofertën e Egjiptit, Greqisë dhe Arabisë Saudite për të pritur Kupën e Botës 2030.
Relevo shton se Benzema kohët e fundit po sillet në mënyrë të çuditshme. “Ai është më introvert se zakonisht. Mungesa e tij pas ndeshjes Real-Getafe bëri bujë sepse ai nuk ishte me pjesën tjetër të ekipit për të festuar me tifozët që fituan kupën në fund të sezonit.”
Dilema e Benzemës i shqetëson madrilienët
Mundo Deportivo shton se Benzema ka pasur shumë probleme këtë sezon. Ai luftoi me dëmtimet dhe humbi Kupën e Botës për shkak të një debati me trajnerin francez Didier Deschamps, më pas shkëlqeu kundër Barcelonës, Liverpoolit dhe Chelseat në pjesën e pranverës të sezonit. Mendohej se ai do të qëndronte te Reali për shkak të jetës së tij private shumë të qëndrueshme në Madrid, ku bleu edhe një shtëpi.
Reali në fund të sezonit u eliminua në gjysmëfinale të Champions League dhe mbeti pa titullin kampion spanjoll. Relevo shton se lëndimet e tij të shpeshta dhe këmbëngulja e sauditëve do të thotë se Benzema po peshon mes qëndrimit te Reali dhe shkuarjes në Arabinë Saudite. Ndaj drejtuesit e Realit janë në shok pasi nuk e prisnin mundësinë e një zhvillimi të tillë të situatës, transmeton Fol Drejt.
