Ish-koordinatori për dialog Skender Hyseni, e ka komentuar takimin e presidentes së Kosovës Vjosa Osmani dhe kryeministrit Albin Kurti, me sekretarin amerikan të Shtetit Anthony Blinken.
Hyseni tha se shpreson që krerët e Kosovës ta kenë kuptuar urgjencën e mbylljes së dialogut me Serbinë.
Ai theksoi se marrëveshja do të duhej të përmbyllej me njohje reciproke.
“Uroj qe krerët e Kosovës ta kenë kuptuar rëndësinë, seriozitetin dhe urgjencën e mbylljes së dialogut me Serbinë me marrëveshje për njohje të ndërsjëllë, që është thelbësore për integrimet e përshpejtuara euro atlantike e ndërkombëtare të vendit tonë” – tha ai.
