Ministrja e Brendshme Marija Golubeva u tha gazetarëve se nuk ka më mbështetjen e kryeministrit pasi partneri i saj i koalicionit kërcënoi të jepte dorëheqjen në shenjë proteste ndaj vendimit të policisë për të lejuar tubime kryesisht paqësore pranë obeliskut më 9 maj, kur Rusia shënon Ditën e Fitores së Luftës së Dytë Botërore.
Ministrja e Brendshme letoneze Marija Golubeva dha dorëheqjen sot nën presionin e koalicionit qeverisës, i cili kritikoi policinë për dështimin për të ndaluar njerëzit që flasin rusisht të festonin Ditën e Fitores së Luftës së Dytë Botërore në fillim të këtij muaji.
Më 10 maj, policia letoneze përdori forcën për të shpërndarë qindra njerëz kryesisht rusishtfolës në kryeqytetin, Riga, për mosbindje ndaj një ligji të fundit që ndalonte tubimet në një monument që lavdëronte fitoren sovjetike, shkruan Reuters, transmeton Fol Drejt.
