Politologu Cvijetin Milivojeviq beson se qëndrimi i Kishës Ortodokse Serbe për propozimin evropian për Kosovën nuk shihet në fjalimin e Patriarkut Porfiri në ndarjen e Urdhrit të Republikës Srpska, të cilin ia dha presidenti i Republikës Srpska Milorad Dodik, shkruan N1Info, transemton Fol Drejt.
Porfiri me këtë rast foli ndër të tjera për besëlidhjen e Kosovës, ngjarje kjo që u parapri, pa një shpjegim më të gjerë nga Kisha Ortodokse Serbe, siç është dhënia e autoqefalisë për Kishën Ortodokse Maqedonase, duke lënë të nënkuptohet sikur vetë kreu i kishës, po pret miratimin e kreut të shtetit.
Milivojeviq thotë se nuk ka përgjigje se në çfarë kushtesh është pranuar autoqefalia, cili është statusi i tempujve, nëse ka pushuar së ekzistuari kryepeshkopata e Kishës Ortodokse Serbe që ekzistonte në tokën e Maqedonisë së Veriut.
“Asnjë nga peshkopët nuk foli, patriarku dëgjoi. Duket se ajo që spekulon publiku është e saktë, se nuk është një vendim autonom i Kishës Ortodokse Serbe, por në fakt çështje presioni politik, por nuk e dimë nga kush”, thotë ka thënë për N1Info – Milivojeviq.
Në të vërtetë, në versionin e publikuar të propozimit evropian për marrëveshje, ekziston një klauzolë sipas së cilës të dyja palët angazhohen të “formalizojnë statusin e Kishës Ortodokse Serbe në Kosovë dhe të ofrojnë një nivel të fortë mbrojtjeje për vendet serbe fetare të trashëgimisë kulturore, në përputhje me modelet ekzistuese evropiane”.
Një pjesë e publikut kritikoi mungesën e publicitetit të Porfirit lidhur me synimin e presidentit Vuçiq për të pranuar planin evropian. Ky nuk është rasti i parë që kisha qëndron e heshtur karshi vendimeve të mëdha, ndërsa atmosfera në Serbi po gëlon nga akuzat dhe kundërakuzat për Kosovën.
Në opinionin kosovar është Kryeministri Albin Kurti ai i cili është “shigjetuar” me akuza për të njëjtën çështje, se pranimi i marrëveshjes – Kishës Ortodokse Serbe i falë më shumë se sa që duhet. Mbrëmë në një debat që zgjati deri në orët e hershme të mëngjesit, u diskutua për dialogun, me fokus: Propozimin evropian për normalizim të marrëdhënieve Kosovë – Serbi./FolDrejt/
