Koreja e Veriut kritikoi vendimin e presidentit amerikan Joe Biden për të dërguar municione thërrmuese në Ukrainë, duke e cilësuar atë si një “akt kriminal” dhe duke kërkuar një tërheqje të menjëhershme të planit.
Ministri i Jashtëm i Koresë së Veriut Choe Son Hui tha në një deklaratë të cituar nga agjencia zyrtare e lajmeve KCNA se fakti që Biden kishte pranuar se ishte një vendim i vështirë ishte një shenjë se ai ishte në dijeni të pasojave të bombave.
“E dënoj fuqishëm vendimin e SHBA-së për t’i ofruar Ukrainës armë të shkatërrimit në masë si një akt të rrezikshëm kriminal, pasi ajo përpiqet ta shtyjë botën në një fatkeqësi të re, dhe fuqimisht kërkoj që ajo të tërhiqet menjëherë,” tha ajo.
Javën e kaluar, SHBA njoftoi se do t’i dërgonte Ukrainës armët e diskutueshme si pjesë e një pakete sigurie prej 800 milionë dollarësh./FolDrejt/
