Çmimet e naftës kanë pësuar sërish rënie, pasi Emiratet e Bashkuara Arabe mbështesin rritjen e prodhimit.
Çmimet globale të naftës shënuan ulje këtë të mërkurë, që në lajmet ndërkombëtare po shihet si një ndër uljet më të mëdha në gati dy vitet e fundit, pasi anëtari i OPEC-ut, Emiratet e Bashkuara Arabe, thanë se mbështesin planin për pompimin e sasisë më të madhe të naftës, transmeton Fol Drejt.
Kompania naftës Brent e ka ulur çmimin në kontratat që do të bëhen në të ardhmen në 16.84 dollarë ose 13.2%, në 111.14 dollarë. Kjo është rënia e tyre më e madhe që nga 21 prilli i vitit 2020. Kontratat e naftës që do të bëhen në Shtetet e Bashkuara ranë nga 15.44 dollarë ose 12.5%, në 108.70 dollarë, rënia e tyre më e madhe ditore që nga nëntori.
“Ne favorizojmë rritjen e prodhimit dhe do të inkurajojmë OPEC-un të marrë në konsideratë nivele më të larta të prodhimit”, tha ambasadori Yousuf Al Otaiba në një deklaratë të postuar në Twitter nga Ambasada e Emirateve të Bashkuara Arabe në Uashington.
Emiratet e Bashkuara Arabe dhe Arabia Saudite fqinje janë ndër të paktët anëtarë të Organizatës së Vendeve Eksportuese të Naftës me kapacitet të lirë që mund të rrisin prodhimin e naftës.
Shtetet e Bashkuara u kanë bërë thirrje prodhuesve të naftës në mbarë botën që të rrisin prodhimin nëse munden.
“Në këtë moment krize ne kemi nevojë për më shumë furnizim,” u tha të pranishmëve Sekretarja e Energjisë e ShBA-ve Jennifer Granholm në një ngjarje të industrisë në Hjuston.
“Tani për tani ne kemi nevojë që prodhimi i naftës dhe gazit të rritet për të përmbushur kërkesën aktuale.”
Furnizimi shtesë nga OPEC mund të kompensojë disa mungesa të furnizimit të krijuara nga ndërprerja e shitjeve të naftës të Rusisë nga sanksionet ekonomike të vendosura nga Shtetet e Bashkuara dhe qeveritë e tjera./FolDrejt/
