Manchester United ka kompletuar nënshkrimin prej 47.2 milionë funte (55 milionë euro) të portierit Andre Onana nga Interi, shkruan BBC Sport, transmeton Fol Drejt.
Reprezentuesi kamerunas, 27 vjeç, ka nënshkruar një kontratë pesëvjeçare, me opsionin e një zgjatjeje prej 12 muajsh.
Marrëveshja ka vlerën fillestare prej 43.8 milion £ plus një shtesë prej 3.4 milion £ dhe ish-portieri i Ajax-it do të bashkohet me skuadrën e United në turneun e tyre para-sezonal në Shtetet e Bashkuara.
“Të bashkohesh me Manchester United është një nder i jashtëzakonshëm.
“Kam punuar shumë gjatë gjithë jetës sime për të arritur në këtë moment, duke kapërcyer shumë pengesa gjatë rrugës”.
Onana do të zëvendësojë David de Gean si portierin e parë të United, me spanjollin që u largua në korrik kur i skadoi kontrata pas 12 vitesh në klub./FolDrejt/
