Në ceremoninë e organizuar për nderimin e ushtarëve britanikë të rënë gjatë shërbimit në Kosovë ka qenë i pranishëm edhe ministri i Mbrojtjes së Kosovës, Armend Mehaj.
Mehaj, edhe përmes një postimi në facebook, ka shprehur mirënjohjen për kontributin e Mbretërisë së Bashkuar në Republikën e Kosovës, transmeton Fol Drejt.
“Kontributi i ushtarëve britanez për ruajtjen e paqes kudo që vlerat demokratike kërcënoheshin përbën një akt heroik, për të cilin ndjejmë mirënjohje secili prej nesh.
Roli i Forcave Britaneze ka qenë kyq dhe i pazëvendësueshëm edhe në luftën e fundit në Kosovë, por mbi të gjitha mbështetjen e Mbretërisë Britaneze, institucioneve dhe ushtrisë së saj vazhdojmë ta ndjejmë edhe tani.”, ka shkruar ministri Mehaj.
“Forca e Sigurisë së Kosovës bashkëpunon me Forcat e Ushtrisë Britaneze në secilin nivel, në shkollime e trajnime, ngase kemi një mision të përbashkët, ruajtjen e paqes dhe stabilitetit në vend, rajon dhe më gjerë.
Mirënjohje për ambasadorin Abbott, dhe për çdo ushtarë britanez që shërben në Republikën e Kosovës.”, është shprehur tutje ai./FolDrejt/