Lionel Messi ka postuar një mesazh emocionues për argjentinasit e tij pasi fituan ndaj Francës në finalen e Kupës së Botës.
Pasi priti të gjithë karrierën e tij për të kapur çmimin më të madh në futboll, shtatë herë fituesi i Topit të Artë më në fund fitoi Kupën e Botës në Katar 2022. Ai ngriti Kupën e Botës lart si kapiten i vendit të tij , pasi shënoi dy herë në një barazim 3-3 me Les Bleus për 120 minuta dhe më pas përsëri në një penallti pasi përfundoi edhe koha shtesë prej tridhjetë minutash.
Messi ka thënë në Instagram: “KAMPIONET E BOTËS!!!!! Kjo është për familjen time, për të gjithë ata që më mbështesin dhe gjithashtu për të gjithë ata që besuan në ne. Ne demonstrojmë edhe një herë se ne argjentinasit kur luftojmë së bashku jemi të aftë të arrijmë atë që kemi synuar. Merita i përket këtij grupi që është mbi individualitetet, është forca e të gjithëve që luftojnë për të njëjtën ëndërr që ishte edhe ëndrra e të gjithë argjentinasve… E bëmë! Përpara Argjentinë! Do të shihemi shumë shpejt!”.
Messi kishte deklaruar para finales se ndeshja mund të ishte e fundit për Argjentinën, por me 172 paraqitje dhe 98 gola ndërkombëtarë në emër të tij, 35-vjeçari ka thënë se tani synon të “vazhdojë të luajë si kampion”, transmeton Fol Drejt.
