Ministri i Diasporës në Republikën e Maqedonisë së Veriut, Xhemail Çupi, ka ndarë një lajm, siç e ka cilësuar ai “të mrekullueshëm”, për diasporën shqiptare, shkruan Fol Drejt.
Nëpërmjet një postimi në llogarinë e tij zyrtare në Facebook, ai e ka njoftuar opinionin publik se në seancën e fundit, Qeveria e Maqedonisë së Veriut e ka shqyrtuar dhe miratuar “informacionin për nënshkrimin e Marrëveshjes për bashkëpunim në fushën e diasporës ndërmjet Qeverisë dhe 23 komunave, ku në këtë rast, autorizohem unë, si ministër i angazhuar për diasporë në emër të Qeverisë së Republikës së Maqedonisë së Veriut për nënshkrimin e marrëveshjeve për këtë lloj bashkëpunimi.”
Sipas tij, “këto zyra komunale do të kenë rol ndërmjetësues ku qytetarëve nga diaspora do t’u mundësohet qasje më e lehtë në informatat e nevojshme dhe do tu jepet udhëzime shtesë bazuar në të drejtat dhe obligimet e tyre në procedurat përkatëse para organeve kompentente gjatë qëndrimit të tyre në vendin amë.”
Ky është postimi i tij i plotë:
Më në fund, lajm i mrekullueshëm për diasporën!
Në seancën e sotme, Qeveria e Republikës së Maqedonisë së Veriut e shqyrtoi dhe miratoi informacionin për nënshkrimin e Marrëveshjes për bashkëpunim në fushën e diasporës ndërmjet Qeverisë dhe 23 komunave, ku në këtë rast, autorizohem unë, si ministër i angazhuar për diasporë në emër të Qeverisë së Republikës së Maqedonisë së Veriut për nënshkrimin e marrëveshjeve për këtë lloj bashkëpunimi.
Këto zyra komunale do të kenë rol ndërmjetësues ku qytetarëve nga diaspora do t’u mundësohet qasje më e lehtë në informatat e nevojshme dhe do tu jepet udhëzime shtesë bazuar në të drejtat dhe obligimet e tyre në procedurat përkatëse para organeve kompentente gjatë qëndrimit të tyre në vendin amë.
Në këtë projekt do bashkangjitet edhe Ministria për shoqëri informatike dhe administratë, ku do i angazhojë punonjësit e vet që të bashkëpunojnë në koordinim me punonjësit e komunave në mënyrë që bashkërisht t’u dalin në ndihmë qytetarëve të diasporës.
