Në Mitrovicën e Jugut janë lajmëruar dy raste në 24 orët e fundit për sulm ndaj personit zyrtar.
Rasti i parë ka të bëjë me një të dyshuar i cili i dehur ka sulmuar infermierin, kurse rasti i dytë me një të dyshuar tjetër i cili ka sulmuar policin në detyrë.
I dyshuari për sulmin e infermierit është liruar dhe rasti ka shkuar në procedurë të rregullt, kurse i dyshuari për sulmin ndaj policit është dërguar në mbajtje, transmeton Fol Drejt.
Këto janë dy rastet e plota në njoftimin e policisë, përcjell Fol Drejt:
Rr. UÇK-së, Mitrovicë Jug 05.12.2022 – 03:25. Është arrestuar i dyshuari mashkull kosovar, pasi që në gjendje të dehur ka sulmuar fizikisht infermierin mashkull kosovar në spitalin e Mitrovicës. I dyshuari është ndalur në ndalim policor deri në këndellje dhe më pas të intervistohet. Me vendim të prokurorit, pas intervistimit i dyshuari është liruar dhe rasti shkon në procedurë të rregullt.
Rr. Xhevat Isufi, Mitrovicë Jug 05.11.2022 – 15:00. Është arrestuar i dyshuari mashkull kosovar, pasi që ka kanosur me jetë zyrtarin policor i cili ishte në kryerje të detyrës zyrtare. Me vendim të prokurorit, pas intervistimit i dyshuari është dërguar në mbajtje.