Fëmijërinë dhe rininë kancelarja gjermane Angela Merkel e kaloi në qytetin Templin. Dekada më vonë ajo do largohej nga ky vend, por duket që as banorët e vendlindjes dhe as Merkel nuk e kanë harruar njëri-tjetrin. Së fundi, Templin e shpalli Merkelin qytetare nderi, kurse ajo ju drejtua banorëve të saj me fjalë miradije.
“Është një nder i madh, që për mua ka rëndësi të veçantë – unë kam lidhje dhe kujtime të paharruara me këtë qytet,” tha Merkel pas shpalljes si qytetare nderi. “Nuk ka dyshim, që Templin dhe Uckermark janë dhe mbeten vendlindja e personalitetit tim.”
Gjatë ceremonisë së marrjes së çmimit Merkel ,qëndroi pranë nënës Herlind Kasner, e cila ishte gjithashtu e entuziasmuar. Kjo ishte ndër daljet e vetme publike të nënës së Merkelit, përcjell foldrejt.com.
Merkel ka lindur në Hamburg në 1954. Nga 1957 deri 1973 ajo kaloi fëmijërinë dhe rininë në qytetin Templin me rreth 16 mijë banorë. Më pas shkoi për studime në Lajpcig dhe më vonë në Berlin – për tu kthyer ndër zonjat më të dashura të globit.
Babai i saj Horst Kasner vdiq në 2011, kurse nëna e saj, Herlind Kasner, jeton akoma në Templin. Gjatë kohës së lirë Merkel viziton nënën dhe kalon kohën e lirë në Templin. Një mesazh për të mos harruar kurrë vendlindjen./Foldrejt.com
