Norvegjia dhe Danimarka kanë rënë dakord së bashku për t’i siguruar Ukrainës 8,000 predha artilerie 155 mm, ka njoftuar Ministria e Mbrojtjes e Norvegjisë, njofton Sky News, transmeton Fol Drejt.
Ministri norvegjez i Mbrojtjes Bjorn Arild Gram tha se Kievi ka një “nevojë të konsiderueshme” për municion artilerie dhe vendi i tij “do të kontribuojë ku të mundemi”.
Norvegjia ka rënë dakord të dhurojë predha nga stoku i saj ushtarak, ndërsa Danimarka do të sigurojë siguresa, shtytës dhe fishekë primer, tha ministria.
Ministri në detyrë i mbrojtjes i Danimarkës Troels Lund Poulsen tha se bashkëpunimi i saj me Norvegjinë për këtë iniciativë ishte “një shembull i rëndësishëm” i kontributeve të vazhdueshme ushtarake në Ukrainë nga vendet e BE-së dhe NATO-s.
Presidenti ukrainas Volodymyr Zelenskyy e ka mirëpritur këtë veprim./FolDrejt/
