Josep Borrell njoftoi nëpërmjet llogarisë së tij në Twitter, se Kosova dhe Serbia janë marr vesh në Bruksel për deklaratën rreth çështjes së personave të zhdukur me dhunë. Pas këtij njoftimi, kanë ardhur reagimet e para nga Kosova, shkruan Fol Drejt.
Vetë Kryesuesi i Komisionit Qeveritar për Personat e Zhdukur, Andin Hoti, e ka konfirmuar këtë lajm.
“Dje, pas më shumë se 1 vit negocimi në Bruksel, (e cila pritet të miratohet nga Kryeministri Kurti dhe Vuçiq në ditët në vijim).
Për herë të parë pas shumë sfidave dhe pas 24 vitesh arritëm ta imponojmë adresimin e drejtë të përgjegjësisë për të zhdukurit, si viktima të luftës që kërkojnë zgjidhje dhe drejtësi në bazë të konventave ndërkombëtare. Prandaj më nuk do të ketë vetëm persona të zhdukur, por persona të zhdukur me dhunë nga shteti serb”, ka shkruar Hoti në Facebook.
Kryetari i Shoqatës “Zëri i Prindërve” Bajram Çerkini për Telegrafin ka thënë se megjithatë, pa u nënshkruar nga Kryeministri Albin Kurti dhe Presidenti Aleksandër Vuçiq, nuk beson në dakordim:
“Ai ka thënë se Serbia ka pranuar, e Petkoviqi thotë që s’kemi pranuar dhe e kemi heq fjalën ‘me dhunë’. Edhe çka është hiç mos me besu thonë ‘na jena dakordu, por duhet të vendosin Kurti me Vuçiqin’. D.m.th kjo ka mbet pezull dhe nuk ka asgjë definitive. Nuk besoj aspak hiç, deri të bëhet nënshkrimi i saj.”/FolDrejt/
