Kompania kryesore ukrainase për prodhimin e hidrocentraleve, Ukrhydroenergo, njoftoi se katër rajone do të kenë probleme afatshkurtra me furnizimin me ujë për shkak të shkatërrimit të digës Nova Kahovka dhe tejmbushjes së rezervuarit, dhe Krimea nuk do të furnizohet ujë për të paktën një vit, raporton Klix, përcjell Fol Drejt.
“Nuk ka furnizim me ujë në Krime sepse niveli i ujit në rezervuarin Kahovka është shumë më i ulët se niveli i ujit që kërkohet për të rrjedhur përmes Kanalit të Krimesë. Prandaj, ka shumë të ngjarë se Krimea nuk do të furnizohet për të paktën një vit.” tha Ihor Syrota, drejtor i përgjithshëm i Ukrhidroenergo.
Ai shton se rajonet e Dnipropetrovsk, Zaporozhia, Kherson dhe Mykolaiv do të kenë probleme me shpërndarjen e ujit.
“Përafërsisht, ne e kuptojmë se këto janë katër zona që do të kenë probleme me furnizimin me ujë. Sepse ne e dimë që ujëmarrësit nuk funksionojnë më nën 12.70 metra (e kemi quajtur ‘zona e vdekur’)”, tha Syrota.
Sipas tij, tani po shqyrtohen zgjidhje alternative për t’i siguruar popullatës me ujë të pijshëm para së gjithash. /FolDrejt/
