Poezi nga Flamur Foniqi
letrat shkruar nanës
nana i preku letrat e mia
pa u falur kurrë za, sy e lexime
harrue veten e jetën kish
tuj nga pas rritjes time…
as gërmat e japuna e t’gjetuna
t’mbështjelluna n’vaj e gzime
as letrën nën këmishë t’palarë
tuj nga pas veshjes time
as gërmat n’petalet e marsit
ato t’hedhuna n’harrime…
as letrën t’lënë nën pjatë
tuj nga pas ngopjes time
s’ke pse qiejve u vë inate
as nji hanë tek plotni kërkon
se hijeshi t’pambarimtë falë
veç nji nanë që frymon…
kur nga emri e shtati yt
bukë e gzim nis të ndahet
shpirti i saj t’falë za e sy
sa njëqind fronte lufte bahet!/FolDrejt/
