Policia e Kosovës ka njoftuar se Drejtoria Rajonale e Policisë së Prishtinës ka prezantuar raportin vjetor të punës për vitin 2022, raporton Fol Drejt.
“Sot nga Drejtoria Rajonale e Policisë së Prishtinës, u prezantua Raport – analiza vjetore, janar- dhjetor 2022- mbi aktivitetet policore. Pas zhvillimit të analizave vjetore, në të gjitha strukturat policore të rajonit të Prishtinës (stacione dhe njësite), në analizën vjetore të Drejtorisë Rajonale të Policisë – Prishtinë, janë evidentuar detyrat, objektivat e realizuara si dhe problemet.” shkruan në njoftimin e policisë.
Sipas raportit, bazuar në të gjitha analizat dhe të dhënat e vitit 2022, Drejtoria Rajonale e Policisë -Prishtinë, ka bërë planifikimet e punës për vitet vijuese.
“Prezent ishin përfaqësues nga Drejtoria e Përgjithshme e Policisë, Prokuroria, Gjykata, Komuna e Prishtinës, Inspektoriati policor etj, të cilët kanë rol të rëndësishëm në punën, performancën si dhe ngritjen e parametrave të sigurisë në rajonin e Prishtinës.”, thuhet në fund të njoftimit. /FolDrejt/
