Kandidati i pavarur për president i përkrahur nga subjekti politik Aleanca për Shqiptarët dhe Lëvizja Besa, profesor Blerim Reka, në emisionin Top Tema të gazetares Snezhana Lupevksa Sozen, ku u ballafaqua me pyetjet e gazetarëve mysafir në studio.
Kandiati Reka gjatë emisionit me vështirësi arriti të sqaroj se si ka mundësi që një kandidatit të pavarur t’i organizohet fushata nga partitë mbështetëse dhe fjalimet të organizohen të përbashkëta. Për më tepër ai u përpoq të shpreh dallimin e qëndrimeve të tija politike dhe të mbështetësve të tij politik siç janë Aleanca për Shqiptarët dhe Lëvizje Besa. Prezenca e Albin Kurtit në tubimin e tij në Kumanov dhe deklarimet e Kasamit “o do ta bëjmë Republikën me Blerim Rekën, o do ta bëjmë Republikën tone” si duket ka shfaqur skepticizmin për sinqeritetin e sintagmës së Blerim Rekës “Republikë për të gjithë”.
Në pyetjen e gazetarit Marjan Nikollovski, në rast se pretendimet e Blerim Rekës “një shqiptar nuk ka arritur të bëhet president i këtij shteti” buron nga hipoteza se shteti apo sistemi politik i Maqedonisë deri më tani ka aplikuar politika etnike apo ka të strukturuar një sistem të tillë politik entik, një gjë të tillë Blerim Reka e mohoi kategorikisht dhe sipas tij arsyeja e moszgjidhjes së shqiptarit është numri jo i madh dhe shpërndarja e tyre regjionale.
Të gjitha këto paradokse si duket e kanë lënë në vështirësi Berim Rekën duke mos arritur të harmonizoj qëndrimet e tija kozmopolitike dhe atyre nacionalisto-fetare të mbështetësve të tij.
Ndër pyetje të tjera, si çështja e gjuhës shqipe, raportet me Turqinë dhe bisedimet Kosovë – Serbi, ai po ashtu dënoi gjuhën e urrejtjes që ka shpërfaqur reisi i Bashkësisë Islame të Maqedonisë, Sulejman Rexhepi gjatë një fjalimi të tij. Krejt në fund,profesor Reka u pyet edhe për ligjin që garanton të drejtën e martesave të individëve me gjini të njëjtë. Ai, u përgjigj pa asnjë hezitim se në qoftë se, një ligj i tillë miratohet me shumicë nga kuvendi dhe kjo është vullnet i popullit, unë e nënshkruaj pa problem.
Si do të reflektojë kjo tek mbështetësit e tij, meqë njihen si parti kundër politikave LGBT, mbetet të shihet gjatë ditëve në vazhdim./telegrafi.mk
