Kryeministrja e Finlandës, Sanna Marin, ka folur pas vendimit të Parlamentit të Hungarisë për të miratuar anëtarësimin e vendit në NATO, raporton Klix, përcjell Fol Drejt.
Në një deklaratë të shkurtër në profilin e saj zyrtar në Twitter, Marin falënderoi Hungarinë për vendimin, të cilin e vlerësoi si të rëndësishëm për të gjithë aleancën ushtarako-politike.
“Hungaria ka ratifikuar anëtarësimin e Finlandës në NATO. Faleminderit për vendimin e qartë! Anëtarësimi i Finlandës dhe Suedisë në NATO forcon sigurinë e të gjithë aleancës. Është në interesin e të gjithëve që Suedia të jetë anëtare përpara samitit të aleatëve në Vlinius.” tha Marin.
Parlamenti i Hungarisë në seancën e sotme me 182 vota pro miratoi vendimin për ratifikimin e anëtarësimit të Finlandës në NATO. Pavarësisht kundërshtimit të disa anëtarëve të partive të krahut të djathtë, partia në pushtet Fidesz, së cilës i përket kryeministri Viktor Orban, votoi për hyrjen e Finlandës në NATO.
Përveç Hungarisë, për hyrjen e Finlandës në NATO, votimin duhet ta organizojë edhe Turqia, e cila mbetet kështu vendi i fundit që do të ratifikojë hyrjen e Finlandës në aleancën ushtarako-politike. /FolDrejt/
