Tim Wiese luajti 266 ndeshje për Werderin në karrierën e tij, fitoi trofeun e Kupës së Gjermanisë dhe kupën e ligës lokale me të, gjithashtu ai luajti edhe për kombëtaren gjermane. Tani në Bremen nuk e duan dhe kanë hequr dorë publikisht nga ai. Atij iu ndalua të afrohej në stadiumin e Werderit dhe iu ndalua të luante për skuadrën e vetëranëve të klubit.
Arsyeja për këtë është lidhja e tij e ngushtë me skenën e djathtë politike, pra shoqërimi me nazistët. Rreth një vit e gjysmë më parë në internet u shfaqën disa foto ku ai ishte në shoqërinë e personave të lidhur me skenën e djathtë politike. Edhe pse u përpoq të shpjegonte se nuk ndan pikëpamjet e atyre njerëzve dhe asnjë ekstremizëm, ky tashmë është dënimi me të cilin ai po përballet.
Werder i tha Wieses që të mbështesë deklaratat e tij me veprime dhe se pas kësaj ai do të ketë sërish të drejtën të luajë për skuadrën e ish-lojtarëve të klubit.
