I zhdukur prej paradites së djeshme, trupi i 14-vjeçarit të zhdukur në brigjet e lumit Seman ende nuk është gjetur.
Përgjatë gjithë natës familjarë të të mitur dhe banorë të zonës kanë ngritur prita, në tentativë për të gjetur trupin e djalit, por pa mundur dot.
Mëngjesin e kësaj të enjteje pranë brigjeve të lumit kanë mbërritur forcat speciale Renea dhe polumbarët të cilët vazhdojnë kërkimet. Të gjitha dyshimet janë se 14-vjeçari ka hyrë në ujë për të nxjerrë grepat të cilat mendohet se i kanë ngecur në lum.
Një tjetër djalë i familjes Saka është mbytur më shumë se 10 vite më parë ndërsa banorë të zonës kanë tregojnë se djemtë e kanë trashëguar peshkimin nga i ati./tch/
