Presidenti ukrainas Volodymyr Zelensky, në prag të sezonit të ftohtë që po vjen, bëri thirrje për këmbënguljen dhe qëndrueshmërinë e ukrainasve.
“Armiku shpreson fuqishëm të përdorë dimrin kundër nesh: ta bëjë dimrin të ftohtë dhe vështirësitë pjesë të terrorit të tij”, tha Zelensky në një video-mesazh të rregullt.
“Ne duhet të bëjmë gjithçka që mundemi për të mbijetuar këtë dimër, sado i ashpër që të jetë.”
Të durosh këtë dimër, tha ai, do të thotë të durosh gjithçka.
Rusia ka një avantazh në raketa dhe armë artilerie, vuri në dukje presidenti ukrainas.
“Por ne kemi diçka që pushtuesi nuk e ka dhe nuk do ta ketë: ne mbrojmë shtëpinë tonë dhe kjo na jep motivimin më të madh të mundshëm”, theksoi Zelensky.
Populli ukrainas po lufton për liri dhe po mbron të vërtetën, tha ai.
“Për të mbijetuar dimrin, ne duhet të jemi më elastik dhe të bashkuar se kurrë,” shtoi ai, transmeton Fol Drejt.
