Interi ka konfirmuar që Antonio Conte do të vazhdojë si trajner në San Siro, pas një takimi ‘konstruktiv’ ndërmjet trajnerit dhe presidentit Steven Zhang.
Ish-trajneri i Juventusit zbuloi pas Finalës së Europa League se ai ishte i pasigurt në lidhje me të ardhmen e tij, por ka rënë dakord me Presidentin Zhang që të qëndrojë më tej dhe të ketë një tjetër mundësi për të fituar Scudetton sezonin e ardhshëm.
Sky Sport Italia raportoi se avokatët përkatës ishin të pranishëm gjatë takimit që zhvillohej në një vilë jashtë Milanos.
Por klubi ka konfirmuar Conte si trajner kryesor të tyre përpara sezonit 2020-21.
“Takimi i sotëm midis klubit dhe Antonio Conte ishte konstruktiv, në emër të vazhdimësisë dhe strategjisë së përbashkët,” shkroi klubi në një deklaratë zyrtare.
“Themelet u krijuan për të vazhduar projektin së bashku.”
Inter përfundoi i dyti në Serie A, arriti në gjysmëfinalen e ‘Coppa Italia’ dhe luajti në finalen e Europa League, ku u mund nga Sevilla.
Sky Sport Italia pretendon se të dy drejtoret sportiv Piero Ausilio dhe CEO Beppe Marotta do të qëndrojnë të vendosur dhe do të vazhdojnë të punojnë për Nerazzurrët.
