Një studim i ri i Universitetit Mjekësor të Innsbruck në Austri analizoi gripin te burrat dhe gratë pasi shumë njerëz mendojnë që gripi te burrat është më i rëndë sesa te gratë.
Termi ”grip burrash” përshkruan një farë hiperndjeshmërie, të lidhur me prirje hipokondriake, që burrat zakonisht e tregojnë kur janë me grip. Megjithatë, kërkimet deri më sot nuk kanë sqaruar ende nëse fenomeni për të cilin burrat duket se vuajnë më shumë se gratë kur preken nga sëmundjet sezonale është diçka reale ose është vetëm një paramendim, përcjell Fol Drejt.
Për të thelluar këtë fenomen një studim i ri i Universitetit Mjekësor të Innsbruck (Austri) që analizoi ashpërsinë e gjashtë simptomave të rinosinusit të rëndë tek burrat dhe gratë për të kuptuar nëse ka një dallim objektiv në simptomatologjinë midis dy gjinive. Sipas kërkuesve austriakë, koncepti i “të ftohtit mashkullor” duhet “hedhur poshtë ” pasi burrat nuk përjetojnë fare simptoma më të këqija gripi sesa gratë. Megjithatë, analiza zbuloi gjithashtu se gjinia femërore ka një barrë dukshëm më të lartë të simptomave, ndërsa ka arritur të shërohet më shpejt se mashkulli.
Studiuesit monitoruan rrjedhën e simptomave të gripit në 113 persona (49 burra dhe 64 gra), të moshave nga 18 deri në 75 vjeç, nga dhjetë qendra studimi në Austri dhe Poloni. Në veçanti, ata mblodhën të dhëna bazike , katër dhe shtatë ditë pas fillimit të simptomave. Këto të fundit u vlerësuan si në mënyrë subjektive (vetë-vlerësim nga pacientët) ashtu edhe në mënyrë objektive (vlerësim nga një mjek), dhe përfshinin hundën rutinore, dhimbjen e kokës dhe të fytyrës, të lidhura me gjendjen nxitëse që prek hundën dhe sinuset.
Krahasimi i të dhënave tregoi “se nuk ka asnjë dallim” midis burrave dhe grave në lidhje me simptomat objektive në fillim të sëmundjes.
Megjithëse nuk kishte dallim të rëndësishëm gjinor në ashpërsinë e simptomave, gratë raportuan një barrë më të madhe të manifestimeve të hundës, simptomave otologjike, problemeve të gjumit dhe simptomave emocionale, ndërsa tregojnë “shërim dukshëm më të shpejtë”, si në aspektin e ashpërsisë së simptomave të vlerësuara nga mjeku dhe ato të raportuara nga pacienti.
Sipas studiuesve, kjo elasticitet i rritur nga ana e grave mund të varet nga bashkëveprimi i hormoneve seksuale me sistemin imunitar.
“Gratë – shpjegoi studiuesit – kanë një aftësi më të madhe për të prodhuar antitrupa që rrisin aktivitetin imunitar dhe për këtë arsye një rezistencë më të shpejtë dhe më efektive ndaj infeksioneve. Përveç kësaj, funksionet imunitare të grave në përgjithësi janë më pak të prekshme ndaj ndikimeve mjedisore sesa burrat.”/FolDrejt/
