Manchester City e ka nisur me fitore edicionin e ri në Ligën Premier.
Nënkampioni i Anglisë ka marrë një fitore të madhe, teksa ka mposhtur skuadrën e papërshtatshme Wolverhampton Wanderers me rezultat të ngushtë 1-3.
City është hakmarrë ndaj Wolvesit, pasi kjo skuadër edicionin e kaluar e kishte mposhtur në dy takimet.
Ekipi i Pep Guardiolës punën e fituesit e kreu në pjesën e parë, teksa shënuan dy gola.
Kevin De Bruyne . (Photo by Matt McNulty – Manchester City/Manchester City FC via Getty Images)
Fillimisht në minutën e 20-të, Kevin de Bruyne realizoi një gol nga penalltia të cilën e kishte fituar vet.
Ndërkohë 12 minuta më vonë një aksion i mirë i mysafirëve bëri që Sterling të asistoi për Phil Foden i cili shënoi lehtësisht për 0-2.
Raheem Sterling dhe Phil Foden. (Photo by Stu Forster/Getty Images)
Me epërsinë prej dy golave të Cityt skuadrat shkuan në pushim mes pjesëve.
Në pjesën e dytë mysafirët e qarkulluan topin më shumë në mesfushë, duke mos rrezikuar mbrapa.
Gjithsesi fundi ishte interesant, pasi Wolves arriti të ngushtoj epërsinë me Raul Jimenez që shënoi në minutën e 78-të për 1-2.
Vendasit tentuan me të gjitha forcat ta barazonin rezultatin, por në fund nuk ia arritën një gjëje të tillë dhe City shënoi edhe golin e tretë krejt në fund të ndeshjes.
Braziliani Gabriel Jesus në sekondat e fundit të ndeshjes shënoi për rezultatin përfundimtar 1-3.
