Katër persona janë arrestuar pasi që të njëjtëve u është gjetur substancë narkotike të llojit të marihuanës.
Të dy rastet kanë ndodhur mbrëmë, rreth orës 20:00-21:00, në Gërmi, transmeton Fol Drejt.
Më gjerësisht në raportin 24 orësh të policisë thuhet:
Parku i Gërmisë, Prishtinë, 07.08.2022-20:00 Është arrestuar i dyshuari mashkull kosovar pasi gjatë kontrollit te ai janë gjetur në posedim dhe konfiskuar 1.4 gr substancë e dyshuar narkotike e llojit marihuanë. Me vendim të prokurorit i dyshuari është liruar, rasti vazhdon në procedurë të rregullt.
Parku i Gërmisë, Prishtinë, 07.08.2022-21:00 Janë arrestuar 3 të dyshuar meshkuj kosovarë pasi gjatë kontrollit tek ata janë gjetur dhe konfiskuar 11.9 gr substancë e dyshuar narkotike e llojit marihuanë. Me vendim të prokurorit njëri nga të dyshuari është dërguar në mbajtje, kurse dy të dyshuarit e tjerë janë liruar në procedurë të rregullt./FolDrejt/
