Qëllimi i Google është të krijojë një shërbim “streaming” i cili ofron lojërat më popullore në disa pajisje përfshirë Chromecast apo pajisje të dedikuara.
Google zakonisht nuk është prej atyre që bëhet pjesë e eventeve të mëdha të video lojërave por këtë vit do të jetë ndryshe.
Kompania ka planifikuar të zbulojë një projekt misterioz lojërash në Konferencën e Zhvilluesve të Lojërave më 19 Mars.
Google nuk dha detaje por prej kohësh spekulohet se kompania do të lançojë një shërbim abonimi për transmetimin e lojërave quajtur Projekti Stream.
Kështu përdoruesit mund të luajnë lojëra nga shfletuesit e tyre. Assassin’s Creed Odyssey ishte e para dhe loja e vetme e testuar në shërbimin e Google.
Testimet publike kanë përfunduar muajin e kaluar dhe mbase ka ardhur koha të detajojë planet.