Një person i armatosur u qëllua për vdekje nga forcat e sigurisë në orët e hershme të së premtes në Jaffa, mes tensioneve në rritje në Izrael, pas zhvillimeve të fundit.
Dy persona janë vrarë dhe 10 janë plagosur në një seri të shtënash në zemër të qytetit izraelit të Tel Avivit, shkruan Al Jazera, transmeton Fol Drejt.
Të vdekurit janë dy burra: njëri 28 vjeç dhe tjetri 27, sipas gazetës Haaretz. Katër nga të plagosurit, përfshirë një grua, ndodhen në një gjendje të rëndë.
I armatosuri i dyshuar u qëllua për vdekje nga policia pranë një xhamie në Jaffa. Ndodhi kjo pas një gjuetie “masive” nga qindra oficerë dhe forca speciale të ushtrisë.
Zyrtarët izraelit thanë se i dyshuari është neutralizuar. Sipas tyre, personi i armatosur ishte një palestinez nga Bregu Perëndimor i pushtuar.
Sulmuesi hapi zjarr në një lokal të mbushur me njerëz rreth orës 21:00 të enjten dhe më pas u largua nga vendi i ngjarjes./FolDrejt/
