Avokado është sinonimi i një jete të shëndetshme.
Avokado është jashtëzakonisht ushqyese, përcjell Fol Drejt.
Ajo përmban sasi të mëdha të vitaminës K, C, B5, B6, E, folat, magnez, mangan, zink, bakër, hekur dhe fosfor.
Avokado përmban më shumë kalium se banania dhe mban tensionin e gjakut në nivel normal.
Ajo është plot me acide yndyrore mono-të-pangopura që janë shumë të shëndetshme dhe luftojnë inflamacionin.
Avokado është plot me fibra, e rëndësishme për rënien në peshë, uljen e nivelit të sheqernave në gjak dhe rrezikut të shfaqjes së disa sëmundjeve.
Avokado këshillohet të përdoret për uljen e triglicerideve dhe kolesterolit dhe falë antioksidantëve për përmirësimin e shikimit.
Si mund të ruhet avokado në ngrirje?
Tregu ofron sasi të larmishme të avokados për të përballuar dëshirat dhe nevojat ushqimore.
Megjithatë, avokado është një frut i brishtë që pas prerjes duhet të konsumohet shpejt.
Ruajtja e tij në mënyrën e duhur është e nevojshme për të zgjatur kohën e konsumit dhe ruajtur cilësinë e vlerave.
Avokado mund të ruhet në ngrirje ose në frigorifer.
Në ngrirje, avokado mund të qëndrojë për 5-6 muaj.
Mënyra më e mirë për ruajtjen e avokados, është që ta bëni avokadon pure dhe ta ruani në ngrirje në një enë qelqi ose plastike.
Ena duhet nxjerrë nga ngrirja 12-24 orë përpara përdorimit dhe duhet mbajtur në frigorifer për një shkrirje të përshtatshme e të sigurt.
Nëse dëshironi ta ruani një gjysmë avokado në frigorifer, atëherë lyejeni sipërfaqen e saj me lëng limoni që të parandalojë nxirjen e tulit dhe mbështilleni me letër plastike/FolDrejt/