Presidentja e Kosovës, Vjosa Osmani, kryeministri Albin Kurti dhe kryeparlamentari, Glauk Konjufca, janë duke e përgatitur padinë për gjenocid ndaj Serbisë.
Kështu ka njoftuar ministrja e Drejtësisë, Albulena Haxhiu, në një konferencë për media.
Ministrja tha se nuk mund të japin më shumë detaje, por tha se është duke u punuar në këtë drejtim.
“Sa i përket padisë për gjenocid, është në programim qeverisës. Kurti, Osmani dhe Konjufca janë të angazhuar në këtë drejtim. Për shkak të ndjeshmërisë së çështjes, nuk mund të japim detaje, por ju siguroj se jemi duke u marrë me këtë çështje”, ka thënë Haxhiu.