Ministria e Punëve të Jashtme ka dalë me një njoftim të rëndësishëm për qytetarët e Kosovës dhe të gjithë ata që janë duke udhëtuar drejt Kosovës duke u kërkuar që të mos udhëtojnë përmes Serbisë, transmeton Fol Drejt.
“Ju njoftojmë se ne territorin e Serbisë, në afërsi të pikave kufitare në Jarinjë dhe në Merdare, për shkak të protestave që po mbahen, nuk është i mundur kalimi i autobusëve dhe kamionëve që vijnë nga Kosova. Nuk është i sigurtë për momentin as kalimi i veturave.”, thuhet në njoftimin e kësaj ministrie.
“Nëse keni hyrë tashmë në Serbi, atëherë ju lutemi t’i përdorni pikat kufitare ne Mutivodë, Dheu i Bardhë ose të merrni rrugë përmes Maqedonisë së Veriut (pikë-kalimi kufitar i Preshevës) përmes Shkupit.
Nëse nuk keni hyrë tashmë në Serbi, ju lutemi, mos udhëtoni përmes Serbisë.”, theksohet më tej./FolDrejt/