Instituti Hidrometeorologjik i Kosovës ka bërë të ditur se vendi ynë do të ndikohet nga masat e lagështa të ajrit me presion të ulët atmosferik.
Sipas tyre, kjo situatë e parashikuar meteorologjike do të krijojë kushte për mot të vranët dhe me reshje shiu e bore.
“Temperaturat minimale do të lëvizin ndërmjet -2 deri 0 gradë Celsius, ndërsa maksimalet e ditës parashihen të lëvizin ndërmjet 3-5 gradë Celsius. Do të fryjë erë nga veriperëndimi me shpejtësi 1-11 m/s”, thuhet në njoftim. /FolDrejt/
