Shoqata e Klubeve Evropiane (ECA) njoftoi se ideja e një Superlige të futbollit u refuzua që në vitin 2019 dhe shtoi se ky kompeticion është një tjetër tentativë mashtrimi, raportojnë mediat britanike.
Drejtori ekzekutiv i Superligës, Bernd Rajhart, tha se gara mund të përbëhet nga 80 klube në një format me shumë divizione. Ai shtoi se gara do të bazohet vetëm në rezultate sportive, pa anëtarë të përhershëm dhe secilës skuadër do t’i garantohen të paktën 14 ndeshje në sezon.
“Kjo ide e riformuluar tashmë është propozuar, diskutuar dhe refuzuar nga të gjitha palët e interesuara në vitin 2019. Kjo është vetëm një përpjekje për të mashtruar, si dhe për të destabilizuar punën konstruktive që po zhvillohet aktualisht mes aktorëve realë të futbollit” , thuhet në komunikatën e ECA-s.
A22, kompania e krijuar për të sponsorizuar dhe mbështetur Superligën, pretendon se ka konsultuar 50 klube evropiane që nga tetori i vitit të kaluar dhe ka zhvilluar dhjetë parime bazuar në ato konsultime për të krijuar një ligë me pamje të re.
“ECA ka bërë progres të madh dhe ndryshime pozitive në vitet e fundit në bashkëpunim me të gjithë aktorët e futbollit, dhe nga viti 2024, më shumë klube nga më shumë vende do të marrin pjesë në garat evropiane të klubeve për meshkuj çdo sezon… Progres i dukshëm mund të shihet edhe në aspekte të tjera të loja, nga futbolli i femrave, rinia, zhvillimi i akademisë, financat dhe rregullimi deri te qëndrueshmëria dhe ndikimi social. Kështu duket ndryshimi i vërtetë. Ne kemi vazhduar, kur do të A22?” , shtohet në komunikatën e Shoqatës së Klubeve Evropiane.
Asociacioni i Ligave Evropiane theksoi se mbështet plotësisht modelin e konkurrencës, i cili tashmë është në fuqi, transmeton Fol Drejt.
