Ministria e Punëve të Brendëshme ka krijuar një linjë-link në web faqen e kësaj ministrie, ku qytetarët mund të kontrollojnë direkt për pritjet dhe kolonat në kufi.
Të dhënat e fundit për fluksin e qarkullimit në të gjitha pikat kufitare sipas Qendrës Kombëtare për Menaxhimin Kufitar, tregojnë se nuk ka pritje në hyrje-dalje.
Sipas raportit të fundit në të gjitha pikat kufitare aktualisht pritjet në hyrje dhe dalje janë nga 3 deri në 5 minuta.
Të gjithë ata që ia kan mësyrë të largohen, apo të vijnë në Kosovë mund të informohen në çdo kohë përmes web-faqes të Ministrisë së Punëve të Brendshme lidhur me pritjet në pikat kufitare.
Pika më e ngarkuar sipas QKMK-së aktualisht është ajo në Vërmicë në dalje, ku pritjet shkojnë deri në 15 minuta.
